Hasiera  l  Nor gara?  l  Programazioa  l  Ekitaldiak  l  Argazkiak  l  Bazkideak  l  Loturak 
Ongi etorri
Kaixo irrati lagun,
Urrian eman genion hasiera Molotoff Irratiko 2007-2008 denboraldi berriari. Urtero bezala, udako atsedenaldia amaituta, indar berriturik ekin genion irratia martxan jartzeari (udaran zehar musika programatua eta saio berezi batzuk egin ditugu).

Programazio berria
Denboraldi berri honetan Molotoff Irratiak zuzeneko 20 saio ditu (bi saio berri), eta horien artean, era guztietako saioak daude. Horretaz gain, Arrosa sareko partaide diren irratien lau saio ere entzun ahal dira. Zuzeneko programazioa eta saioen errepikapenak ez dauden gainontzeko orduetan estilo eta mota desberdinetako musikak entzun daitezke (folk, rock, soul, reggae, elektronikoak, jazz, funk, etab), Euskal Herri zein kanpoko taldeen eskutik. Tarteka saio bereziak ere antolatzen ditugu eta dagoeneko batzuk antolatuak ditugu (ikastetxeekin elkarlanean, herriko taldeekin elkarlanean –presoak, etab-, Donostiako zinemaldiari buruzkoa, hitzaldien emisioa, etab.). Era berean, zuen proposamen eta aportazio guztietara irekiak gaudela.

Programazio hau, ohi dugunez, 2008ko ekainaren 20ra arte iraungo du (herriko festak –San Joanak- ospatzen diren arte).

Udalarekin harremana
Azken urteetan udaletxearekin galdutako harremana berreskuratzen saiatzen ari gara. Udal aurrekontuetarako eztabaidan proposamena aurkeztu dugu eta aurki, udalarekin harreman normalizatua edukitzea espero dugu. Hori bai, irratia, beti bezain independente izaten jarraituko du noski.

Zuekin harreman zuzenagoa izan nahiko genuke. Asteazkenero, arratsaldeko 19:00etan irratiko (Sagastialde 16, behea) egoitzan biltzen gara eta irratiko ateak zabalik dituzuela badakizue. Era berean, zuen posta elektronikoaren helbidea helaraziko bazenigute (egin ez duzuenok behintzat) maizago jarriko ginateke zuekin harremanetan. Gure helbidea: molotoff@euskalnet.net edo ixa74@hotmail.com

MILA ESKER ETA ONDO IZAN
Molotoff Irratiko lagunak
 
:: Berriak ::
08-02-21

Bost urte bete dira espainiar auzitegiek Egunkaria indarrez itxi zutela.
Molotoff Irratiko lagunak elkartasuna adierazi diegu hasieratik Egunkariko langile eta auziperatuei. Zorigaitzeko urtemuga honetan saio berezia osatu du Hernani Konektion irratsaioak eta Egunkariko Joan Mari Larrarte eta Joan Mari Torrealdai elkarrizketatuko dituzte. Saioa otsailaren 21ean gaueko 22:00etan eta otsailaren 22an arratsaldeko 17:00etan entzun ahal izango da 91.8 fm-an.